Cerca de 500 escolinos participen nel alcuentru cola llingua de Xixón

Cerca de 500 escolinos d'ocho Institutos d'Enseñanza Secundaria van tomar parte güei nos segundos Alcuentros de la Mocedá cola Llingua Asturiana qu'organiza la Oficina Municipal de la Llingua y que tienen llugar en Muséu del Pueblu d'Asturies. La participación ye casique del doble que nel 2004.

Les actividaes van entamar a les once nesta xornada dedicada a los estudiantes d'asturianu de los institutos de Secundaria y Bachilleratu del conceyu. L'escritor Adolfo Camilo Díaz, el guionista Maxi Rodríguez, el monologuista Cellero, el dibuxante Igor Medio y los miembros de los grupos musicales "Los Berrones" y "Dixebra" van participar nesta xornada que va tener esposiciones sobre instrumentos musicales, la historia del fútbol asturianu o xuegos tradicionales ente otres actividaes.