CCOO fai un llamáu pa qu'Asturies tenga "otru modelu productivu"

El secretariu xeneral de CC.OO. d'Asturies Antonio Pino dio ayeri una rueda de prensa pa presentar l'informe sobre'l mercáu llaboral asturianu qu'ellabora periódicamente'l sindicatu. L'estudiu de CCOO sorraya que la economía asturiana creció namás mediu puntu nel 2005, dalgo que ye una constante dende va 6 años p'acá, denunciando l'optimismu del Presidente asturianu al respective cuando "namás les Islles Baleares crecieron menos que nosotros".

Antonio Pino esplicó que la salú de la economía asturiana tiense más qu'otra cosa nel sector de la construcción y nel de los servicios, sectores que tienen "los sos topes" polo que'l sindicalista diz que ye preciso "dir pa contra otru modelu productivu" nel que "la industria tendría de ser el primer pegoyu". Ello ye que l'informe de CCOO alvierte de la perda de pesu de la industria nel conxuntu de la economía asturiana, concretamente un -0,8% nel 2005. La inversión productiva, l'apueste pola innovación y la tecnoloxía y l'apueste por un modelu d'empresa que prime la calidá nos productos y la estabilidá nel emplegu sedríen les claves pa larecuperación del sector industrial según CCOO, que denunció que la inversión en I+D+i ye "de risión".

L'altu grau d'avieyamientu de la población asturiana y la falta de dinamismu económicu, con tases d'actividá y emplegu "nueve puntos perbaxo de la media nacional" y con un paru de llarga duración que ye "el más altu d'España" son otres de les notes negativesque ve CCOO na economía asturiana . No positivo, CCOO fala de la baxada del paru, anque denuncia l'alta temporalidá y malacalidá de los contratos. L'informe de CCOOespeya como 47.000 asturianos enriestraron contratos na mesma empresa nel 2005. La temporalidá afecta tamién al emplegu públicu y asina CCOOdenuncia que'l Gobiernu asturianu "nun va cumplir col so compromisu'' de menguar del 20% actual al 8% la temporalidá llaboral n'alministración. Pino fizo un llamáu a desaniciar la imaxe de conflictividá llaboral d'Asturies asegurando que los sos niveles son "los más baxos de la década" y denunció'l pocu enfotu d'empresarios y alministración pa lluchar contra la siniestralidá llaboral.