CC.OO declárase contra la incineradora de Serín

La Comisión Executiva del sindicatu CC.OO. d'Asturies declaróse ayeri contrariu a la construcción de la incineradora de basura que quier llevar alantre l'ente autonómicu COGERSA. La central sindical, una de les dos mayores d'Asturies, tien la so argumentación nel efectu contaminante, pal aire y pal suelu, que va tener la planta incineradora.

CC.OO. afonda n'argumentaciones de tipu económicu y diz que la construcción de la planta incineradora diba suponer una inversión mui grande en perres y que va llevar arreyada una xuba del coste del serviciu, ello siendo un métodu'l de la incineración que nun crea puestos de trabayu.

El sindicatu denunció la "campaña" entamada pol Ente de xestión de residuos y pol Gobiernu asturianu pa convencer a la ciudadanía asturiana de lo bonancible de la incineradora y afirmó que'l proyectu de la planta de Serín escaez mandaos políticos de la mesma Unión Europea, ente ellos el "VI Programa Comunitariu d'Acción en materia de Mediu Ambiente" qu'apauta la xestión de residuos acordies cola mengua del so volume, la meyora del reciclaxe, la recuperación y la desapaición non contaminante y segura de les estayes non recuperables. CC.OO congracióse de la decisión del Gobiernu asturianu, que decisió entamar un debate social sobre la incineradora enantes de llevala alantre, pero albidra que, en pasando les elecciones del 2007 podría acelerase la so construcción.