CC OO y UXT desconvoquen la fuelga indefinida prevista n’ALSA

Los sindicatos CO OO y UXT desconvocaron esti xueves la fuelga indefinida prevista n’ALSA pal 15 d’agostu. La empresa accedió a cumplir delles de les reivindicaciones más importantes de los trabayadores.
 
Éstes trátense del cumplimientu de descansu ente xornada y xornada, el calendariu de vacaciones, les vacantes, les categoríes, el pagu d'hores feches, el reconocimientu xinecolóxicu a les trabayadores, el zarru del techu d'información, los  turnos de la taquilla de Xixón, los descansos de la taquilla d'Uviéu, les antigüedaes y los alcuerdos sobre'l venir de la mutua. Tres llegar al pautu cola empresa, los sindicatos animaron a los usuarios a que siguieran utilizando los servicios d'ALSA “cola normalidá cola que lo fixeron hasta agora”.
 
La falta de respuesta de la compañía a les reivindicaciones de la plantiya foi’l motivu que llevó a los trabayadores a convocar esti llunes una fuelga indefinida a partir del 15 d’agostu. Nesi momentu destacaron que la so intención yera la de llegar a un alcuerdu enantes d’esa fecha cola fin de nun tener que llegar a facer el parón, dalgo qu’al final consiguieron.