Caxastur ¿nel camín de les fusiones?

Ayeri adelantábemos que la reforma de la llei financiera que ta preparando'l gobiernu del Partíu Popular inclúi un artículu pol que la representación pública va baxar del 75% actual a un tope del 50%. Esta llei afecta directamente a la Caxa d'Aforros d'Asturies na que la mayoría política socialista perdería'l control que tien anguaño sobre la entidá. (ver noticia más abaxo)

En conociéndose la noticia, a la FSA faltó-y tiempu pa quexase y pidir que nun mengüe la representación política nestos organismos, pero la cosa tien más caláu, y dende dellos círculos barrúntase que lo que ta en xuegu ye l'absorción de les caxes d'aforros autonómiques pequeñes por otres entidaes bancaries más grandes. Va un mes, los emplegaos del Centru de Procesu de Datos de Caxastur, qu'asisten al desmantelamientu del so departamentu pa treslladalu a Madrid y conocedores de lo que cuez nel sector y dientro de la empresa yá apuntaron esta posibilidá nel so web.