Cataluña inclúi temes llingüísticos na Responsabilidá Social Empresarial
|
5 Xineru, 2011 por E.P. / Redacción
- Inicie sesión o rexístrese pa espublizar comentarios
El Departamentu de Trabayu de la Generalitat de Cataluña publicó'l manual 'Empresa y llingua', una guía que reflexona sobre los aspectos llingüísticos como un elementu más na xestión de la responsabilidá social de les empreses.
Al mesmu tiempu, ofrez dellos exemplos de bones práctiques que puen aplicase en dellos contestos.
Según los promotores de la iniciativa, el documentu lleva por subtítulu 'Un enfoque de responsabilidá social empresarial pa ofrecer valores a tolos grupos d'interés', lo que, al so xuiciu, pretende ser "toa una declaración d'intenciones" sobre l'enfoque qu'ofrez la RSE.
La guía ellaboróla Josep Maria Canyelles, espertu en responsabilidá social de les empreses y promotor de Responsabilitat Global, que tamién collaboró nestos años cola Secretaría de Política Llingüística p'ayudar a definir un modelu afayadizu cola lóxica empresarial de la RSE.
Según Canyelles, "el retu ye integrar los aspectos llingüísticos dientro de les materies xestionaes nel marcu de la RSE, esto ye, da-y la normalidá que se merez per parte de les empreses que xestionen la so RSE".
Efrén d'Andrés
Comentarios
Los catalanes sobren-yos los (c.....) lo que los asturianos non tienen ,non se dexen imponer el castellan por nengun, la Llingua ta per encima de los partios ,seyan del collor que seyan!!
Visca Catalunya!!