Casu va acoyer esti añu la celebración oficial pol Día de la Nación Asturiana

|
Día d'Asturies 2017 en Llugo

Izquierda Xunida (IX) solicitara treslladar los actos festivos a esti conceyu por cuenta de les perdes y molesties causaes pol argayu.

Casu va relevar a Llanera como sede de la celebración pol Día de la Nación Asturiana qu'entama'l Gobiernu. El Conseyu de Gobiernu decidió esta mañana aprobar esta designación depués de que la Xunta Xeneral sofitara por unanimidá una proposición non de llei d'IX pa compensar d'esta manera a la población de Casu polos inconvenientes que-yos provocó'l gran argayu que se produxo'l 22 de marzu y qu'aislló la zona per meses per carretera.

Como ye vezu por cuenta'l 8 setiembre, entamaránse conciertos, un mercáu y una gran variedá d'actividaes, que van allargase tola fin de selmana al coincidir esti añu la fiesta en sábadu. Dende IX, el diputáu Ovidio Zapico celebra qu'esta iniciativa sirva pa reconocer l'esfuerciu tanto a vecinos como a comerciantes afeutaos pola incomunicación.

Na semeya, un momentu de les actividaes pol Día de la Nación Asturiana del añu pasáu en Llugo.

 

Contador Estadistiques