Casu cataloga la toponimia

El Plenu del Ayuntamientu del conceyu de Casu alcordó por unanimidá, a pidimientu del BIA facer un catálogu de toponimia tradicional del conceyu qu'enxerte parroquies, llugares y núcleos de población. Entovía nun se sabe qu'equipu va ser el que s'encargue de facer esti catálogu, asemeyáu al qu'entregó CeCodet pal conceyu de La Pola Siero a primeros d'ochobre. Casu ye ún de los ayuntamientos que ente los años 96 y 97 declararon la oficialidá del asturianu, y lúnicu que la dio de pasu teniendo la mayoría'l PP. L'alcalde Javier Ramos dixo entós que a naide-y tener que paecer mal la oficialidá porque en Casu ye lo que fala tol mundu. Ello ye que'l conceyu casín ye tamién ún de los que tienen un tantu por cientu más altu de falantes d'asturianu.