Casado escarta a Mercedes Fernández como candidata del PP nes eleiciones

Mercedes Fernández nun va ser la candidata del Partido Popular (PP) a la presidencia de la Xunta Xeneral nes eleiciones de mayu. El presidente del partíu, Pablo Casado, ta acabante de confirmar que Teresa Mallada, ex rexidora d’HUNOSA, va liderar la llista.

A pesar de que la direición del partíu n’Asturies daba por fecho que l’actual presidenta repetiría como candidata, lo cierto ye que los planes de Madrid yeren otros. Casado, que se basa n’encuestes internes, apuesta por Mallada pa ocupar esi puestu, dalgo que nun sentó bien nin a Fernández, que supo ayeri de la decisión nuna reunión col presidente popular, nin al so equipu.

El políticu madrilanu va tar el vienres n’Asturies cola intención de dar anuncia de la llista completa pa les Nacionales del 26 de mayu. Ésta va tar encabezada pola actual presidenta del PP d’Ayer, doctora y inxeniera superior de Mines nacida nel 1973 que tuvo al frente d’HUNOSA per seis años hasta’l xunetu pasáu.

Na semeya, Mallada na sede del PP d'Ayer votando a favor de Fernández pal Congresu del PP d'Asturies del 2017.