Carreño yá ta ente los diez meyores del mundu

|
Pablo Carreño

La victoria de Rafael Nadal nel US Open, nel que'l tenista xixonés llegó a semifinales, colóquenlu nel 'top 10' del ranking de l'ATP.

L'escelente trayeutoria de Pablo Carreño nel grand slam con sede en New York, onde namái'l sudafricanu Kevin Anderson impidió-y llegar a la so primera final nún de les cuatro pruebes grandes del circuitu al superalu por 6-4, 5-7, 3-6 y 4-6, permitió al tenista asturianu de 26 años ascender nueve posiciones na tabla individual hasta algamar el puestu 10, per delantre de Milos Raonic y per detrás de Grigor Dimitrov. El ranking encabézalu'l balear Nadal, qu'ayeri se proclamó vencedor de US Open énte Anderson en trés sets: 6-3, 6-3 y 6-4.

Precisamente'l trunfu de Nadal foi lo que permitió a Carreño entrar nel 'top 10' ATP, yá que una victoria del sudafricanu daba-y a ésti una puntación meyor que'l tenista formáu nel Real Grupo de Cultura Covadonga. Otra manera, la llista femenina ta liderada pola hispanovenezolana Garbiñe Muguruza, que s'estrena como meyor tenista del mundu.

Semeya obra de 'si.robi' baxo llicencia CC BY-SA 2.0.

Contador Estadistiques