Cangas del Narcea programa un debate sobre la oficialidá

El conceyu de Cangas del Narcea tien programada pa esti miércoles día 30 de payares a les 20:30h en Teatru Conde Toreno una charra-coloquiu que, baxo'l títulu "La oficialidá: un camín necesariu hacia la normalidá llingüística" va correr al cargu del filólogu y miembru de la Xunta Pola Defensa de la Llingua Asturiana Fernando Alvarez-Balbuena.

Organizada pol Serviciu de Normalización Llingüística de la Conceyalía de Cultura, esta actividá enxértase dientro de la programación d'actos culturales pa la temporada de la seronda, que tamién tien bien d'actividaes rellacionaes cola llingua asturiana, ente elles la interpretación nel mesmu Teatru Conde Toreno de la obra "Xulia" montaxe n'asturianu de la compañía "Teatro Margen" a partir de la obra del suecu August Strindberg que va facese nesti mes qu'entra d'avientu. En feches anteriores, tamién se fexere un pase de los curtios de cine y vídeu n'asturianu que s'enxerten nel volume compilatoriu "Arda'l curtiometrax" de l'Asociación de Realizadores y Directores d'Asturies .