Cangas acueye una muestra de curtiumetraxes de Pablo Quiroga

El Conceyu de Cangas al traviés de la Oficina de Normalización  Llingüística entama pa esti miércoles 26 de xineru una muestra de la obra audiovisual del realizador asturianu Pablo A. Quiroga Prendes.

La cita va ser nel Auditoriu de la Casa de Cultura Palacio d'Oumaña a partir de les 20.30 con entrada llibre. Amás de la proyección de los audiovisuales, va tener llugar un alcuentru col autor, que va desplazase a la capital de la comarca pa presentar él mesmu los sos trabayos.
  
Pablo A. Quiroga Priendes ye cineasta, xestor cultural, y dirixe la productora Algamar Producciones que realiza trabayos en dellos ámbitos culturales, ente los que destaca nos últimos dos años el llabor discográficu .
  
Ente los trabayos audiovisuales de Pablo A. Quiroga Prendes, nos que la llingua asturiana tien calter vehicular na gran parte d'ellos, destaquen los cortometraxes premiaos en distintos festivales: El año de los tres ochos (2001), Aida (2003), Apetito Desesperado (2003), Tres Versiones (2007) y Bisarmes (2009).
  
Destaquen coles mesmes los documentales rellacionaos cola historia de la educación n'Asturies, y que formen parte de los fondos del Muséu Etnográficu de la Escuela Rural d'Asturies (Cabranes), o los relacionaos coles histories de colectivos y personaxes asturianos.