Cándido y Morala salen de Villabona col tercer grau

Los sindicalistes Cándido González Carnero y Juan Manuel Martínez Morala tan acabante de salir del centru penintenciariu de Villabona gracies a la concesión del réxime penitenciariu abiertu. La Xunta de Tratamientu de la prisión propunxo a Instituciones Penitenciaries clasificar en tercer grau a los dos militantes de la Corriente Sindical d'Izquierda, una porpuesta aceptada güei que supón la salida de Villabona de los dos sindicalistes, condenaos a tres años de cárcel por daños nes protestes llaborales de Naval Xixón en 2005. D'esti mou depués de 19 díes en prisión Cándido y Morala acaben d'abandonar Villabona en compañía de les sos families y de varies decenes de persones de la Plataforma Contra la Represión y Poles Llibertaes. Sicasí, el xuez qu'instruyó la causa, el maxistráu de lo Penal númberu 1 de Xixón, Lino Rubio, dictó ayer un autu, enantes de marchar de vacaciones, nel que refuga la suspensión de la execución de la sentencia.