Candás celebra la III Selmana de Cultura Astur

La Feria del Llibru y el Discu n'Asturianu va ser lo más destacao d'esta actividá qu'entamen el Grupu de Baille Tradicional San Félix y l'Ensame Xuvenil Trisquel.

Ente los actos previstos en programa, del 24 al 30 d'ochobre va poder vese na Casa la Cultura de Candás la esposición "Asturies n'otra dómina". Esi mesmu día un conciertu de música tradicional va inaugurar la selmana a les 8 de la tarde, celebrándose del 4 al 6 de payares nel parque Les Conserveres la Feria del discu y el llibru n'asturianu, na que collabora'l Serviciu de normalización llingüística del Cabu Peñes. El piesllu va echalu'l día 5 nel parque Les Conserveres el IV Amagüestu popular, nel que va haber baille tradicional, cuentos y música tradicionales y los clásicos de la seronda: esfoyaza, sidra y castañes. Pela nueche, un conciertu de los grupos Gueta na Fonte, La Bandina'l Tombo y Skama la rede va rematar la xornada.