Candás acueye un recital de poesía de muyeres qu'entamaron a espublizar nesti sieglu

|
Llibros poetes asturianes sieglu XXI

Participen les autores Esperanza Medina, Laura Marcos, Solinca Turbón y Aida Escudero.

Baxo'l nome 'La voz de les muyeres na poesía asturiana', Ediciones Trabe entama esti "recital de poetes del sieglu XXI", eventu encuadráu nel ciclu 'Asturies, Cultura en Rede'. "Nacíes nos años 80 del sieglu XX les más d'elles, nun siendo Esperanza Medina, que ye de los 60, publiquen na segunda década del sieglu XXI y nelles van poder sentise les distintes voces que-yos conformen, que-yos aniaron y fixeron-yos ser lo que son: muyeres fíes y ñetes (les más) del feminismu, muyeres qu'escriben n'asturianu ensin complexos y que yá tienen detrás d'elles un corpus lliterariu que-yos val de refente, tanto obres d'autoría femenina como masculina".

Ángeles Carbajal va encargase de conducir l'actu, que va tener como sede esta tarde la Casa la Cultura de Candás dende les 18 hores. De primeres, la poeta va facer un perfil de cáuna de les cuatro escritores participantes pa depués éstes principiar cola llectura de poemes, dos por autora en cada turnu hasta cumplir la hora de recital.

Contador Estadistiques