Canarias 85 - Xixón Baloncestu 95

Cuando la permanencia parez yá imposible, el Xixón Baloncestu empéñase en xugar curioso. Lideraos poles estrelles americanes Todd Fuller y Lou Roe, los de Moncho López foron, otru añu más, la bestia negra del Canarias, al que ganaron con un xuegu de muncha presión.Yá namás entamar, los asturianos salieron a ganar, llevando enseguida el marcador a los diez puntos de ventaya. Sicasí, tres un tiempu muertu, el Canarias esconsonó y llegó a ponese per delantre (30-27) pero yá enentes del descansu los isleños desinflaron y el Xixón llegó al segundu tiempu con un sorprendente 40-47 a favor. La segunda parte los canarios cargáronse de personales y siguieron colos mesmos erros en defensa, dexando que'l Xixón escapare hasta de catorce puntos. Una técnica al entrenador canariu Manuel Hussein acabó de regala-yos la victoria a los asturianos.