Canadá reconoz la nación del Quebec

La Cámara de los Comunes del Parlamentu del Canadá aprobó por 266 votos a favor y 16 en contra la moción presentada pol gobiernu que se reconoz al Quebec como "una nación dientro del Canadá". La iniciativa contó col votu al favor del Partíu Conservador, la mayoría del Partíu Lliberal, el partíu independentista Bloque Quebequés (BQ) y el socialdemócrata NDP. Namás los 15 miembros del Partíu Lliberal y l'independiente Garth Turner votaron en contra. El parlamentu refugó la propuesta alternativa de definición del Quebec como una nación "actualmente dientro del Canadá". El líder nacionalista quebequés Gilles Duceppe declaró que'l reconocimientu llográu con esta moción ye "una victoria" pal so movimientu.

Nel añu 1995, el Quebec, la parte francófona del Canadá, celebró un referendum pola independencia que decidió, por un marxe pequeñu, siguir dientro del Canadá. Un nuevu referendum apaez como la siguiente reivindicación del nacionalismu quebequés, ello nun contestu en que la demanda quebequesa saca angüeñes. De fechu, ún de los ministros del gabinete canadiense presentó la dimisión temporal pa nun tener que vottar ayeri, mientres que los grupos indíxenes tienen mieu de que'l mayor reconocimientu pal Quebec suponga una mengua de derechos pa ellos.