"Campus mexastur": pa mexar y nun echar gota

Ye'l nome col que se refirió'l rector de la Universidá d'Uviéu al oxetivu de los alcuerdos col TEC de Monterrey y la UNAM pa crear titulaciones y investigaciones conxuntes.

"Campus mexastur" salió a la lluz el 17 de febreru nel actu d'entrega de les medayes d'oru de la institución nel Paranifu a los profesores Ana Isabel Fernández, Carlos López-Otín, Julio Bobes, Luis Fernández-Vega y, a títulu póstumu, a Emilio Alarcos Llorach; tamién a los rectores Juan Vázquez, Vicente Gotor y Santiago García Granda y al ex presidente del Conseyu Social de la Universidá, Ladislao Azcona. Foi na parte final del discursu d'Ignacio Villaverde –nel qu'usó l'asturianu nun cachu del mesmu– pa referise a estes collaboraciones coles prestixoses universidaes mexicanes "p'allumar esi esperáu y poderosu campus mexastur".

Un nome nada nun afortunáu que ta xenerando munches reaiciones nes hores últimes en redes sociales, sobre manera pol impautu que xenera la grafía del términu nos güeyos d'un asturianu. Y que sorprende más entovía al salir ésti dende la propia institución asturiana.

Axallá ser doctor pola universidá de Mexastur

— Xaime Martínez (@fatalmartinez) March 6, 2023

Pa les dificultaes d'orinar: ¡Yera hora! A ver cuándo s'esparde a más países.
Nace el campus "Mexastur": la Universidad de Oviedo y dos gigantes de México se unen.

— Xuan Xosé Sánchez V (@XuanXosSnchezV) March 6, 2023

Ye pa mexase lo de Mexastur pic.twitter.com/142ObNW6Mx

— @Héctor Braga (@Hector_Braga) March 6, 2023

Vaya trunfada lo del "Mexastur". El diuréticu defintivu.

— Petruciu (@BangoSuarez) March 6, 2023

Tener un nome de risa pa toles asturianes y asturianos sí que ye gracies a nun tener NPI de que n'Asturies esiste un idioma pal que "Mexastur" suena a marca nacional de medicamentu diuréticu. Comedia ye poco dicir. https://t.co/lvBtsU7DvU

— I. Uviéu ⟦*+ ⟧ (@iyanuvieu) March 6, 2023