Cambeos pa la temporada de pesca del 2.004

El conseyu asturianu de la pesca aconceyó ayeri pa tratar el Borrador de la Normativa de Pesca Fluvial pa la campaña 2004. Según informó la Conseyería, la normativa nun presenta cambeos bultables respective a la del añu 2003, y marcó como los más importantes l'espurrir la campaña del salmó a tol mes de xunetu, l'apertura de los cotos de La Chanona nel Esva y el de San Román en el Nalón, qu'hasta agora funcionaba como cotu de pesca ensin muerte. Al revés alcordóse pesllar el cotu de Teverga, onde se pescaba trucha. Esta foi la postrer xunta del Conseyu de la Pesca, que pa marzu del 2.004 va convertise nel nuevu Conseyu de los Ecosistemes Acuáticos y de la Pesca n'agua continental d'Asturies, con distintes atribuciones