CaleyAvilés visita la capiella de Las Alas

|
Cartelu CaleyAvilés 2018

Visita guiada esti vienres 7 de setiembre pel cascu históricu d'Avilés, descubriendo la historia d'una ciudá milenaria al traviés de los sos monumentos, incluyendo la capiella Las Alas.

Esta capiella funeraria del sieglu XIV ye una auténtica novedá dientro de l'arquiteutura asturiana contemporania dende'l puntu de vista estructural. Ye de planta cuadrada, con una orientación perbona y una sillería mui bien trabayada nes muries. Hai de destacar nella'l tipu de bóveda que la cubre, nomada aquitana. Esti modelu cúpula y la so estructura tan orixinal faen que la pudieren considerar d'estilu protogóticu, estilu del qu'hai pocos exemplos n'Asturies. La capiella Las Alas ye Bien d'Interés Cultral (BIC) dende l'añu 1991. 

CaleyAvilés ye iniciativa de la Estaya de la Llingua d'Avilés que pretende dar a conocer llugares del conceyu con un guía en llingua asturiana, llabor que fai Denis Soria (guía oficial del Principáu d'Asturies). Nesta ocasión va visitase'l cascu históricu d'Avilés dende les 19 hores.

La participación ye de baldre, pero hai qu'acutar plaza contautando cola Estaya de la Llingua d'Avilés nel númberu de teléfono 985.54.55.08 o nel corréu electrónicu estayallingua@ayto-aviles.es, yá que'l númberu de places ta llendáu a 25 en cada salida.

Contador Estadistiques