Cabranes premió a los sos emigrantes

El Conceyu de Cabranes aprovechó les fiestes del Carme pa reconocer el méritu de los sos emigrantes, aprebando'l plenu de la otra selmana la concesión de títulu de fíu adoptivu del conceyu a trés de los sos emigrantes más destacaos. Ente los reconocimientos que s'entregaron rescampla'l reconocimientu de fíu adoptivu a títulu póstumu a Manolo del Campo, fundador del grupu folclóricu "Pelayo" en Bonos Aires y al empresariu y emigrante na República Dominicana Manuel Corripio García, mientres que Constantino Diaz Luces, de 95 años y ayalgueru de la Unión Cabranense de L'Habana, recibió'l mesmu distingu.

L'Alcalde de Cabranes Alejandro Vega Riego llamó l'atención sobre'l compromisu de Manolo del Campo con Cabranes, siendo amigu de la Socidedá "Fíos de Cabranes" n'Arxentina, mientres que Constantino Diaz Luces tien tres d'elli una vida entera dedicada a esta asociación, na qu'entovía participa a los sos 95 años. Finalmente, Manuel Corripio García, desapaecíu l'añu pasáu, rescampla por ser l'amu del mayor grupu empresarial del país, un grupu qu'agora preside'l so fíu Jose Luis Corripio Estrada. Un conciertu del grupu de Folk "La Bandina'l Tombo" peslló l'actu que se celebró esti sábadu en Cabranes, Día del Emigrante nel conceyu.