Busto presenta datos nuevos sobre los entamos de la lliteratura asturiana

|

Dientro del ciclu de conferencies del RIDEA 'Los estudios filolóxicos asturianos, güei'.

Baxo'l nome de 'Los inicios históricos de la lliteratura en llingua asturiana', Xuan C. Busto va presentar "datos nuevos sobre los periodos iniciales de la lliteratura n’asturianu, de magar naz en 1639 hasta que s’espubliza’l primer llibru impresu en 1839". Va ser a les 19.30 hores na sede del RIDEA (Palaciu Conde Toreno, Uviéu), con entrada llibre hasta completar aforu.

Ésta trátase de la tercer de les cuatro charres programaes pol Real Instituto de Estudios Asturianos (RIDEA) y organizaes por Ramón D'Andrés en collaboración col Seminariu de Filoloxía Asturiana (SFA),del que ye coordinador. La primera d'elles protagonizóla Xulio Viejo y l'anterior el propiu d'Andrés. La cabera va ponela Antón García (día 17), que va falar de la obra del Padre Galo.

Contador Estadistiques