Bual, El Franco y Navia estrenen lletreros en gallego-asturiano nes sos dependencies municipales

Les cases conceyos de Bual, El Franco y Navia yá disponen de rotulación en gallego-asturiano nes sos dependencies. La Oficina de Coordinación Cultural y Llingüística del Parque Histórico del Navia collaboró nesti llabor.
 
D’esta forma, los ciudadanos d’estos tres conceyos del occidente asturianu van poder ver recoyida la so llingua materna nes dependencies municipales. Pallabres como tesoureiría o contabilidá van apaecer nos cartelos xunto al so equivalente en castellanu.
 
Esta aición promovida polos conceyos de Bual, El Franco y Navia pudo facese gracies a les sovenciones del 2010 pa la normalización social del gallego-asturiano y a la collaboración de la Oficina de Coordinación Cultural y Llingüística del Parque Histórico del Navia.