Bras Rodrigo, primer gaiteru en dar el conciertu Gran Mariscal

El gaiteru carreñense Bras Rodrigo Álvarez Prieto, director de la Banda Gaites de Corvera, va ser el primer intérprete del Estáu d'esti instrumentu que va protagonizar el conciertu del Nomamientu del Gran Mariscal, en Nueva York.

L'actuación va ser esti llunes, 10 de xineru, a partir de les 20.00 hores (hora estaounidense).
  
El mesmu gaiteru señaló'l "gran honor" que supón pa él esta actuación. Tolos años el fin de selmana posterior a la fiesta de Reyes los irlandeses reúnense en Manhattan y nomen a alguna personalidá qu'estrechare llazos ente Irlanda y los Estaos Uníos d'América. Esti añu será la escritora Mary Higgins Clark. Celebren una fiesta y un conciertu al qu'asisten altes personalidaes polítiques y empresariales del país y la ciudá.
  
Álvarez Prieto destacó que "la primer vez nos 250 años d'historia del Desfile convidaron al conciertu a un gaiteru asturianu y español que va compartir escenariu con grandes figures de la música celta".
  
El conciertu ta patrocináu por Dupont y va ofrecelu con una gaita fabricada con Corian, material que fabrica dicha empresa y que tien una gran calidá sonora. El punteru ta afináu en La y desenvueltu pol artesanu Miguel Alonso.