Bloque y UNA entamen un procesu abiertu de definición y ampliación de la so alternativa

 Les dos organizaciones recalcaron güei que la so llamada nes elecciones pasaes pa inaugurar un ciclu nuevu na política asturiana entamaba la so segunda fase esti 8 de setiembre.

 
Los intervinientes nel actu políticu centraron el so mensaxe na so propuesta, que ponen en marcha "dende mañana" p'ampliar lo que foi la so coalición electoral del 22 de mayu, a una estructura na que participen les dos organizaciones pero que tea abierta a otres persones y colectivos baxo la premisa "una persona, un votu" pa construir "una alternativa afayadiza pa toles persones que creen nuna Asturies que tien de decidir el so futuru dende valores de solidaridá, respetu al nuestru patrimoniu humanu y natural, y la xusticia social".