Bloque y UNA echen a andar la so propuesta electoral
|
2 Febreru, 2011 por Redacción
- Inicie sesión o rexístrese pa espublizar comentarios
Les dos formaciones tan acabante anunciar que van dir xuntos a les elecciones nuna plataforma que se presentará'l 12 de febreru. El candidatu polo cincunscripción central sedrá Rafa Palacios, del Bloque, y la númberu 2 Yolanda González, d'UNA
Bloque y UNA, nun comunicáu de prensa, anunciaron que la so intención ye constituyir "una plataforma electoral conxunta qu’incorpore a las dos organizaciones asina como a colectivos y persones de la izquierda, l’asturianismu y l’ecoloxismu" y designar como candidatu a la Presidencia del Principáu d’Asturies y polo tanto cabeza de llista na circunscripción central a Rafael Palacios, miembru de la Dirección Nacional del Bloque y como puestu segundu na llista que correspuende a la circunscripción central a Yolanda González Huergo, miembru de la Xunta Executiva d’UNA.
El restu de candidatos, el nome y les llínies de la coalición y otros detalles anunciaránse'l 12 de febreru nun actu que va cuntar cola presencia d'independientes, representantes de la esquierda, l'ecoloxismu, l'asturianismu y de dellos movimientos sociales, que van integrase na plataforma ellectoral.
Efrén d'Andrés
Lo + visto de la selmana
Comentarios
Munchu trabayu fara falta facer, pa recoyer los votos, pa almagar dalgun diputau, si non pocu se pode camudar...Asturies somos toos, los que queremos trabayar por ella .Pensando , que la xuntanza fai la forza!!
Mal vamos. Estos (el bloque) yá tuvieron nel gobiernu d'Areces dende l'entamu y ¿Ú ta la llingua asturiana? siguimos igual que fai años, torgaos los nuesos drechos. Polo qu'albidro que lo único que-yos peta ye'l caltener la so poltrona nel gobiernu esta vegada atropando los votos de la UNA pa vende-ylos lluéu a izquierda xunida y el psoe.
Estos del Bloque rectificaron, salieron y demostraron que tienen güevos de presentase a unes eleiciones fuera de la solombra de "mamá IU"... yo pensaba como tu va unos meses, pero la evolución de los acontecimientos punxo a cada ún nel so llugar.
Si agora tenemos opción a que'l nacionalismu d'esquierdes entre na xunta, tenga un diputáu... ye porque estos del Bloque tragaron lo que tragaron toos estos años y agora tuvieron la valentía de d'arriesgar la poltrona por defender les sos idees... y gracies a ello tienen agora un diputáu con tolo qu'implica : espaciu na prensa, manera de facese oyer, más espaciu na tele y más repercusión nos medios... Yo nun tendría estómagu pa tragar lo que tragaron ellos, reconózolo, pero agradézo-yoslo...
Y la llingua asturiana (con más o menos deficiencies) óyese cada vegada que Rafa Palacios abre la boca :-) ayeri, mesmamente:
http://www.goear.com/listen/99f583d/entrevista-a-rafa-palacios-en-punto-...