Bloque-UNA alvierte que'l Plan Urbanu prevé destruyir La Quinta'l Pedregal, la "última casería" d'Uviéu

UVIÉU, 16 de Marzu (EUROPA PRESS) La coalición Bloque por Asturies-Unidá Nacionalista Asturiana denunció públicamente que'l Plan Urbanu d'Uviéu prevé la demolición de la última casería que queda nel Conceyu, La Quinta'l Pedregal Al traviés d'una nota prensa, la formación, que va presentase a les elecciones autonómiques baxo'l nome de Compromisu por Asturies, esplicó que "lo primero foi que pasara un colector pel mediu la finca pel que casi argaya la casa; y agora, nun terrén que nun se puede edificar, quier tirase esta esplotación ganadera familiar que tien informes d'arquitectos y etnógrafos que la definen como única na ciudá pol so valor etnográficu.