Bloque por Asturies-UNA algama un conceyal en Ḷḷena, onde IX-LV gana con mayoría absoluta

Agripino Pérez Acebal va ser conceyal de Ḷḷena pol Bloque por Asturies-UNA. La coalición nacionalista foi la quinta fuercia más votada al sumar 378 votos, lo que supón un 5,55 por cientu del total. La formación que va gobernar nel conceyu ḷḷenizu con mayoría absoluta al algamar un 46,98 por cientu de los votos ye IX-LV, lo qu’otorga a esta coalición 9 conceyales. Tamién van tener representación na Casa Conceyu’l PSOE (4 conceyales), PP (2) y FAC (1).