Bloque por Asturies alerta d’un posible "actu nazi"

La formación política Bloque por Asturies alertó y punxo en conocimientu de la Delegación del Gobiernu n'Asturies la posible celebración esti martes 12 d'ochobre d'un "actu nazi" n’Uviéu.

El BA insiste nes "graves consecuencies" na historia de la humanidá de la permisividá colos grupos nazis y facistes, y por eso llamen a l’alerta del posible actu neonazi que se celebraría a les 12.30 hores nel aparcamientu d'El Vascu, na cai La Gascona d'Uviéu.

"Va siendo hora de tomar en serio a estos grupúsculos que faen apoloxía de la violencia contra emigrantes, xitanos, homosexuales y cualquier grupu que nun coincida cola so manera de ver el mundu, como se pue comprobar nos sos carteles, declaraciones públiques o programes políticos", señalaron.
  
Bloque por Asturies recuerda que Democracia Nacioanl "yera la organización convocante de la manifestación na que diba participar un militar profesional qu'asesinó a un mozu antifacista y dexó a otru mui grave hai trés años en Madrid". Amás, señalen qu'algunos de los sos representantes "tienen antecedentes violentos" y vinculación a peñes de fútbol "nazis o facistes".