Blanco y Velasco lleven La Travesera

|
Antonio Blanco

El cangués residente n'Aragón, Antonio Blanco, y la llangreana Chelo Velasco foron los primeros en completar los 74 quilómetros de carrera per Picos d'Europa.

L'atleta del Grupo de Montaña GC completó'l percorríu, con un desnivel positivu de 6.560 metros, en 12 horas, 4 minutos y 33 segundos, superando en 21 minutos y 38 segundos al cántabru Iván Cuesta, mentes qu'en tercer posición llegó'l so compatriota Alejandro Gómez Iriberri (12 hores, 37 minutos y 48 segundos). Mentes, la primer muyer foi Velasco, del Grupo de Montaña Ensidesa Gijón, con un tiempu de 15 hores, 52 minutos y 58 segundos tres una penalización de quince minutos per acortar percorríu. L'asturiana ocupó'l puestu 67 nel global y superó en 31 segundo a la segunda clasificada, la valenciana Eva Cruz (15 minutos, 53 minutos y 29 segundos), siendo tercera la catalana Olga Manko (16 hores, 46 minutos y 34 segundos).

No que respeuta a La Traveserina, carrera paralela con con un llargor de 44 quilómetros y un desnivel de 3.010 metros, el ganador foi' gallegu de l'Asociación Deportiva Jarnachas, Ramón Muiños, con un tiempu de 5 hores, 23 minutos y 45 segundos, siendo la primer muyer la rioseyana Marta Escudero, del Team Race Landa, con una marca de 6 hores, 28 minutos y 46 segundos.

Na semeya, Blanco nel so pasu pela Vega d'Urriellu.

Ver galería con semeyes de la prueba

Contador Estadistiques