Bimenes celebra Santa Bárbola, les Xornaes Gastronómiques del Gochu y la Feria

Piñera ta preparada p'acoyer la romería del sábadu pola festividá al rodiu la capiella.

Mañana ye Santa Bárbola, fiesta llocal en Bimenes, que tien una importante actividá cultural y gastronómica esta fin de selmana. A les 12.30 hores va ponese la misa, pa siguir con un homenaxe al mineru más vieyu, la puya'l ramu, l'actuación del coru Ente Muyeres y música del país.

Los vecinos y visitantes tamién van poder disfrutar de les XXIV Xornaes Gastronómiques del Gochu, con xinta y cenes mañana y el domingu nel Bar La Campa San Juan y nel Albergue de Fayacava. Mentes, en La Tranca, El Llugar y el Vigil van poder picase productos d'esti animal como callos, adobu o picadiellu, ente otros.

Por último, el domingu va entamase la XVI Feria Agroalimentaria y d'Artesanía nel CP Martimporra, con actuaciones musicales y otres actividaes. El so horariu va ser de 10 a 15 hores.

Na semeya, carpa instalada en Piñera pa la folixa.