Bimenes asoleya una aplicación turística billingüe pa móviles

|
Aplicación turística Bimenes

Yá ta disponible pa la so descarga en dispositivos qu'empleguen Android.

L'aplicación 'Bimenes', que se pue consultar tanto n'asturianu como en castellanu, ufre al visitante al conceyu una completa información sobre'l mesmu y les sos posibilidaes. Apoyáu en semeyes, permite consultar sobre Bimenes, la Casa les Radios, restoranes y cases rurales, llugares pa visitar, rutes y árees recreativos, productos llocales, l'axenda, un llistáu telefónicu y una galería d'imaxes.

De momento namái los usuarios d'Android pueden disfrutar de l'aplicación, anque nunos díes va tar disponible pa los dispositivos qu'emplegue iOS. D'esta forma, el l'ayuntamientu yerbatu quier impulsar les posibilidaes turístiques del conceyu de cara a esta Selmana Santa y los próximos periodos vacacionales.

Contador Estadistiques