Bildu señala que la disolución d’ETA va depender de “los pasos que se dean” nel procesu de negociación

Peio Urizar señaló que la disolución d’ETA va depender de “los que pasos que se dean” nel procesu de negociación. El voceru de Bildu considera qu’habría qu’evaluar si ye “conveniente” facer más detenciones tres l’anuncia de la banda.
 
El tamién secretariu xeneral d'Eusko Alkartasuna (EA) aseguró que nun sabe si va haber un comunicáu qu'anuncie la disolución total d'ETA dao que, al so xuiciu, ello va depender de "los pasos que se dean d'equí p'alantre, del procesu de negociación y conversaciones sobre les consecuencies, y sobre los temes téunicos", porque "hai muncho de lo que falar y avanzar". Entrugáu por si considera, como Arnaldo Otegi, que ye inmaduro pidir a ETA que se disuelva, Urizar afirmó que nunca intentó "analizar la reacciones propies y internes" de la organización terrorista porque, según dixo, "nun les entendí nunca. Siempre tuve en desalcuerdu, menos nesta etapa última, coles declaraciones y toles apuestes que taba faciendo".
 
Sicasí, mostróse convencíu de qu'eso "fadráse". "Como pasa nestos procesos, hai que dar distintos pasos y lo que pasa ye que dalgunos, igual, entienden que se tien que dar primero'l pasu trés que'l dos, y otros creemos que se tienen que dar n'otru orde. Pero creo que si toos ponemos voluntá darán el dos, el trés y los siguientes tamién", sorrayó. Sobre posibles detenciones de miembros d'ETA, Urizar consideró qu'habría qu'evaluar si sería "conveniente" faceles pa que "esti procesu remate como tien que rematar", teniendo en cuenta que la organización armada "yá dixo que nun va actuar y, nos consiguientes pasos que-y queden, sigue pesllando toles puertes negociando".
 
“Hasta agora los pasos que se fixeron foron pa que nun haya nengún tipu de separación, que nun quede nada colgando, que nun creo que sería bueno nin naide lo desea", aseguró'l voceru de Bildu, que repitió que van dase "los pasos que falten pa dar pa que de manera definitiva podamos dicir que toda situación de violencia y d'amenaza yá nun esiste y que superemos esa etapa". D'acordies con Urizar, "tamién hai que trabayar nel tema de les víctimes". "Toos tenemos que ser mui cuidadosos", dixo, al tiempu qu'apostó pola reconocencia de "toles víctimes", dao que "la víctima yelo ensin tener nenguna culpa y nun tenemos qu'andar analizando quién ye más importante".