Bello torna a ganar el Teodoro Cuesta de poesía 24 años depués

Cola obra 'Les isles inciertes'.

Xuan Bello llevó'l XXVII Premiu Teodoro Cuesta de Poesía, ún de los más importantes en llingua asturiana, que convoca tolos años el Conceyu de Mieres. El de Paniceiros, que yá ganó na tercer edición, correspondiente al añu 1993, con 'El llibru vieyu', presentó'l poemariu 'Les isles inciertes', de calter sentimental.

Precisamente, esti añu'l primer Premiu Nacional de Lliteratura Asturiana tornó a espublizar poesía con 'El llibru nuevu', editáu por Saltadera, que tien rellación col poemariu col que ganó'l so primer Teodoro Cuesta. Esti gallardón tien un recompensa de 4.000 euros y promueve la espublización del trabayu.

Semeya recortada, propiedá de Donostia Kultura, baxo llicencia CC BY-SA 2.0.