Beiras gana la partida al BNG nunes eleiciones gallegues nes que’l PP refuerza la so mayoría absoluta

|

La política de recortes del PP nun afeutó en Galicia, onde Alberto Núñez Feijoo reforzó la mayoría absoluta de los populares. Mentes, Xosé Manuel Beiras consiguió superar al BNG cola so coalición con Esquerda Unida.

El Partido Popular (PP) gallegu baxó de manera mínima nel porcentaxe de votu (del 46,60 por cientu total de los votos nel 2009 pasó a un 45,72 por cientu), anque sumó 3 escaños más (de 38 a 41) que-y permiten reforzar la so mayoría absoluta. Pela so parte, el PSOE sufrió, al igual que n’Eukadi, un escalabru al perder 7 escaños (d’un 31,02 por cientu de los votos pasó al 20,53 por cientu) y quedase con 18.

La gran sorpresa de les eleiciones gallegues foron los bonos resultaos algamaos pol nacionalista Xosé Manuel Beiras, que se presentó pola coalición Alternativa Galega de Esquerdas (AEG), formada por ANOVA-Irmandade Nacionalista –escisión del Bloque Nacionalista Galego (BNG)–, Esquerda Unida –federación gallega d’Izquierda Xunida–, EQUO y Espazo Ecosocialista Galego. Esta candidatura, a la que la encuesta preeleutoral del CIS daba un escañu, sumó un total de 9 (13,99 por cientu) polos 7 del BNG (10,16 por cientu), formación que nel 2009 algamó 12 representantes (16,01 por cientu).

 

Contador Estadistiques