Barbón recita'l poema 'Pa otros' de Piñán nel Día Mundial de la Poesía

Compartiólu cola intención de que nos "dea fuercia y enerxía pa les selmanes próximes".

"Güei –por ayeri– ye'l Día Mundial de la Poesía, y dende Presidencia nun quería dexar de compartir con vosotros un poema, nesti casu de la escritora Berta Piñán", comenta Adrián Barbón en castellanu nun videu en redes sociales. Darréu, camuda al asturianu y esplica que ye tamién "la conseyera de Cultura del Gobiernu d'Asturies".

El poema escoyíu de Piñán ye 'Pa otros', que recita lleendo dende una pantalla. El videu en Twitter lleva rexistraes más de 8.200 visualizaciones en menos de 24 hores.