Barbón entama la negociación presupuestaria

Asturies pela Izquierda y Podemos, los socios más factibles de los socialistes, van protagonizar los primeros conceyos.

El presidente Adrián Barbón va tar acompañáu nesta primer toma de contautu col restu de fuercies parllamentaries, na que nun ta incluyío VOX, pola vocera Dolores Carcedo; la conseyera de Facienda, Ana Cárcaba; y la secretaria d'Organización de la Federación Socialista Asturiana (FSA) y diputada, Gimena Llamedo. El primer conceyu va ser con Asturies pela Izquierda, a les 16 hores d'esta tarde, en Presidencia.

Darréu, a les 18.30 hores, va ser el turnu de los responsables de Podemos. L'apoyu de les fuercies d'izquierda permitiría a Barbón sacar alantre los sos primeros presupuestos.

Na semeya, Barbón ayeri na terminal de almacenamientu y carga a buque de graneles sólidos de Masaveu Industria inaugurada n'El Musel.