Bandurrieros y luthiers dan cita en Xixón

|

Bandurrieros y luthiers d’Asturies van celebrar un alcuentru en Xixón. El próximu 28 de xineru, estos músicos y fabricantes d’instrumentos van amosar el so trabayu al públicu y ufiertar un conciertu de bandurria.

El patiu del Antiguu Institutu de Xixón va ser el llugar d’alcuentru onde fabricantes de bandurries van enseñar el so trabayu artesanal y responder a les consultes sobre la fechura d’esti y otros instrumentos tradicionales.

L’alcuentru va tar abiertu dende les cinco hasta les ocho de la tarde del vienres 28 de xineru. P’acabar l’eventu, un grupu de bandurrieros y bandurrieres va actuar a les 20.30 nel salón d’actos del mesmu llugar.
 

Contador Estadistiques