BA-UNA pide al Conceyu d'Uviéu que torgue homenaxes al franquismu

UVIÉU, 21 Jul. (EUROPA PRESS) - Bloque por Asturies-UNA solicitó al Conceyu d'Uviéu que torgue homenaxes al franquismu como'l qu'entamó'l pasáu 18 de xunetu, nel 75 aniversariu del alzamientu militar, la Hermandá de Defensores d'Uviéu na Plaza d'España. La coalición pide que se torguen "homenaxes y concentraciones fascistes" nel conceyu d'Uviéu tantu de calter públicu como priváu "yá qu'esti consentimientu favorez la puxanza de la xenofobia, pintaes racistes como les qu'apaecieron na Tenderina va meses y ye un grave atentáu contra la convivencia so los valores democráticos y los derechos humanos básicos".