Avilés enllénase de música esta selmana

Adulces va medrando'l Festival Intercélticu más
importante d'Asturies, el d'Avilés ye la propuesta más
interesante que va afitándose añu tres añu.

Paez difícil que nesti país se caltengan y medren
iniciatives como la que fai cinco años entamó'l colectivu
"Esbardu".
Ye raru que grandes festivales en ciudaes asturianes sobrevivan dellos
años, como paso cola selmana céltica d'Uviéu, anque paez
ser qu'hai traces pa que vuelva l'añu que vien.

Nesta sesta edición del festival participen delegaciones
d'Escocia, Irlanda, Bretaña, Galicia y Asturies, amás de
delegaciones invitaes de Lleón, Cantabria y Euskadi. Coles delegaciones
de ca sitiu vienen grupos folclóricos, grupos de folk esposiciones,
teatru..etc, que vamos poder ver tola selmana que vien hasta'l próximu 4
d'agostu.

Esti mesmu sábadu actua "Dixebra" na plaza de Carlos
Lobo a les 00:00 hores, de la mesma manera, el restu la selmana va haber
conciertos pela nueche y toa una riestra d'actividaes a lo llargo'l día.
Podéis consultar tol programa del festival colos horarios y llugares
nesta
dirección, pa qu'escoyáis que ye lo que más vos apetez
dir ver nun menú tan ampliu.