Autores nel Camín trai trés representaciones teatrales esta selmana

Vero Suari y Inaciu Galán, y Xune Elipe tamién participen estos díes nesti circuitu.

Autores nel Camín, la iniciativa entamada pola Conseyería de Cultura, Política Llingüística y Turismu p'averar a los ganadores de los diferentes premios lliterarios y artísticos que convoca a la ciudadanía, presenta seis propuestes esta selmana con munchu pesu pal teatru. Asina, 'Les rellaciones peligroses', obra de Factoría Norte merecedora del III Premiu y Festival Nel Amaro de Teatru Profesional en Llingua Asturiana o Gallego-asturiano, correspondiente al 2019, va representase'l vienres a les 19 hores en Grau, na Capiella de Los Dolores, y el domingu, tamién a les 19 hores, en Ḷḷena, nel Teatru Vital Aza de La Pola.

El públicu escolar de Corvera, mentes, va disfrutar de la vencedora del añu pasáu, 'El viaxe de Covaletti' d'Higiénico Papel Teatro. Va ser el vienres n'El Llar al meudía.

'La curuxa Catuxa' y conferencia sobre la historia de la música asturiana

Ganadores de los Premios Lliterarios van tener tamién alcuentros con llectores estos díes. Suari y Galán, que llevaron nel 2020 el XIII Premiu María Josefa Canellada de lliteratura infantil y xuvenil por 'La curuxa Catuxa' van tar en Xixón estar tarde (17.30 hores, CP Tremañes), actividá na que collabora'l centru escolar, 'Reciella. Families pol Asturianu' y la Oficina de Normalización Llingüística, y el vienres en Ḷḷena (18 hores, Biblioteca Ramón Menéndez Pidal).

Pela so parte, Elipe, XXVI Premiu Máximo Fuertes Acevedo d’ensayu por ‘Hai una llinia trazada. Historia de la música asturiana’, correspondiente al 2020, va poner una conferencia nel Centro Sociocultural de Les Vegues sobre esti trabayau mañana a les 18 hores.

Na semeya, un momentu de la representación de 'Les rellaciones peligroses'.