Ataquen los servidores del Forum mundial

El web del Forum Económicu Mundial qu'organiza estos díes George Soros en Nueva York nun funciona dende ayeri pela tarde. L'importante conceyu, qu'axunta a 3.000 persones d'ente les más poderoses del planeta, y que tenía pensao emitir al través del so web delles intervenciones, tien tola traza de ser víctima d'un ataque masivu contra los sos servidores. Dellos colectivos antiglobalización llevaben tiempu anunciando l'ataque, y en dellos sitios como'l de RT Markanunciábase esti golpe como si fuere una obra d'arte. De cualquier manera, paez que les impresionantes midíes de seguranza en que se desarrola l'alcuentru neoyorquín nun foron a evitar l'ésitu de la protesta electrónica.