"Asturies.com ye'l mediu dixital que más fixo pola llingua asturiana", asegura Pumares

 El secretariu xeneral de Foro confiésase nel so saludu pol 25 aniversariu llector "dende l'adolescencia". 

"Utilizar la nuesa llingua, tamién nos medios de comunicación y na Xunta Xeneral del Principáu, ye la única forma de salvar l'idioma", tien claro Adrián Pumares, qu'asegura que "Asturies.com ye'l mediu dixital que más fixo pola llingua asturiana". El llavianés reconoz que tamos "nun momentu complicáu y frustrante pa los falantes d'asturianu, tres cuatro décades ensin que se reconozan los sos derechos, y tando más cerca que nunca d'algamar una Reforma del Estatutu d'Autonomía qu'incluya la reconocencia d'oficialidá pa la llingua asturiana", ensin refugar responsabilidá por ello, y reafita "el mio compromisu con otorgar derechos a los falantes d'asturianu. La oficialidá, guste más o guste menos, ye yá imparable". 

Pue lleer el testu completu del tamién diputáu na Xunta Xeneral calcando nesti enllaz.