Asturies.com ufre una galería del Día de la Nación Asturiana

|
Asturies.com ufre una galería del Día de la Nación Asturiana

Con semeyes de tolos eventos programaos pa celebrar nel país esti 8 de setiembre.

Esti Día de la Nación Asturiana conmemoróse'l triple centenariu de Cuadonga: 1.300 años del orixe del Reinu d'Asturies, y 100 años de la coronación canónica de la Santina y de la creación del Parque Nacional de la Montaña de Covadonga, anguaño de Picos de Europa. La xornada tuvo marcada pola presencia de los reis d'España y la princesa de Asturias, na so primer visita oficial al país, en concreto a Cuadonga.

En Cangues d'Onís #LluchandoPolaSoberanía, col sofitu de dellos partíos, sindicatos y coleutivos, entamó una concentración de protesta baxo'l lema 'Asturies nun tien rei. Soberanía y República' que tuvo una marcha previa dende Les Arriondes. Otra manera, Podemos entamó la so Folixa Popular nel Solarón, en Xixón, y Izquierda Xunida una celebración nel Muséu del Pueblu d'Asturies baxo'l nome de 'Asturies pela izquierda'. El Gobiernu d'Asturies organizó actividaes un añu más pol Día d'Asturies, qu'esti añu tuvieron como sede Casu.

Calcando nesti enllaz pue entrar na galería de semeyes qu'Asturies.com preparó pa resumir esta xornada.

Contador Estadistiques