Asturies.com ufre una galería de semeyes de la manifestación del Día de la Nación Asturiana

El domingu, Día de la Nación Asturiana, alredor de mediu millar de persones participó nuna manifestación pa reclamar “soberanía” y un “cambiu social”. Asturies.com ufre una galería de semeyes d’esti eventu.

La marcha, que llevaba dellos años ensin celebrase, destacó pol fechu de tar convocada de forma conxunta por trés fuercies de la izquierda nacionalista asturiana, Compromisu por Asturies, Conceyu Abiertu y Andecha Astur, a les que se sumó Izquierda Anticapitalista. Nesta ocasión, la manifestación incorporó un componente social a la cuestión nacional, como amuesa’l lema de la mesma:  ‘Asturies decide: pola soberanía y el cambiu social’.

La Corriente Sindical d’Izquierda (CSI), Darréu, el Centru Social Autoxestionáu La Semiente, la Xunta Estudiantil Asturiana y el Sindicatu Unitariu y Autónomu de Trabayadores de la Enseñanza d’Asturies (SUATEA) sofitaron esta convocatoria, de la qu’Asturies.com ufre una galería de semeyes.