Asturies.com ufre les pallabres de Pilar Robles nel homenaxe al so padre, Pachín de Melás
|
18 Setiembre, 2013 por Redacción
- Inicie sesión o rexístrese pa espublizar comentarios
En primavera, los coleutivos Ástura y Iniciativa pol Asturianu entamaron un actu d’homenaxe a Emilio Robles Muñiz ‘Pachín de Melás’. El momentu más emotivu, y tamíen más divertíu, foi la intervención de la so fía, Pilar Robles.
La intención del eventu, que tuvo llugar nel Atenéu Obreru de Xixón y al que taben convidaes la fía y la nieta de Pachín de Melás, yera recordar la memoria del escritor xixonés al traviés de la llectura de dalgunos de los sos testos. Asina, delles personalidaes del ámbitu cultural asturianu, como Sabel Tuñón, Xelu Neira, Inaciu Galán, Javier Cubero, Monchu Iglesias y Xuan Pandiella, axuntáronse nel llocal de la cai Cuadonga frente a un públicu numberosu p’amosar el so ciñu al autor que morrió na cárcel d’El Coto nel 1938 a los 38 años.
Tres la llectura de testos, Galán convenció a Pilar pa que dixera unes pallabres, momentu que s’allargó per casi 10 minutos; un tiempu nel que la fía de Pachín de Melás faló sobre la figura del so pá y recordó delles anécdotes. Asturies.com ufre a los sos llectores un videu sobre esta parte del actu d’homenaxe al autor xixonés, la más emotiva, y tamién la más divertida.
Efrén d'Andrés
Lo + visto de la selmana
