Asturies.com TV presenta "Nun llores" de Dixebra

Yera l'añu 1997 cuando Dixebra espublizaba'l so cuartu discu,
Dieron
en duru. El trabayu discográficu producíu por Kike Arkarazo
significó un saltu de calidá na carrera musical del grupu que se completó
cola fechura del so primer videoclip,
del emblemáticu cantar "Nun llores".



El tema "Nun Llores" taba dedicáu a los trabayadores de Duro
Felguera, qu'aquel añu vivíen una época de movilizaciones
énte les amenaces de despidos, y especialmente a un grupu d'ellos que
tuvo encerráu na catedral d'Uviéu por más d'un añu.
Precisamente nel videu puede vese a los
componentes de Dixebra na catedral d'Uviéu compartiendo conocimientos
colos trabayadores encerraos, amás d'imáxenes d'otres
movilizaciones de protesta, too mecío con tomes del grupu nos sos
directos. El videu realizólu'l Colectivu Bebes Furiosos, y ganó'l premiu
na estaya de mocedá nel festival Cinema Jove de 1998, categoría
convocada pol programa "La Aventura del Saber" del canal de
televisión La 2. Amás tamién llevo'l primer premiu nel
certamen Art Nalón en Sama'l mesmu añu.