Asturies.com sortia cinco exemplares de ‘El ríu y la memoria’ pa celebrar el Día de les Lletres Asturianes

Por cortesía de l’Asociación de Llibreríes del Principáu d’Asturies, Asturies.com va sortiar cinco exemplares de ‘El ríu y la memoria’ ente los nuesos llectores. P’algamar ún deberán responder una entruga sobre la obra de Nené Losada Rico.

‘¿Cómo se llama’l poema –que da nome a un llibru– na que l’autora valdesana amuesa una llinia poética nueva?’. Les persones que quieran consiguir l’antoloxía poética de Nené Losada editada por mor de la XXXIV Selmana de les Lletres han d’unviar un mensaxe al nuesu Facebook o al corréu electrónicu redaccion@asturies.com cola respuesta correuta y un teléfonu de contautu a lo llargo de güei, Día de les Lletres Asturianes. El llunes espublizaremos el nome de los ganadores.