Asturies.com regala 15 entraes pal conciertu de Dixebra na Llaboral

El vienres 26 d’agostu, la Llaboral va vivir una ‘Nueche del Rock Asturianu’ na que van actuar Pablo Moro, Dr. Explosion y Dixebra. Asturies.com va sortear 15 entraes pal conciertu ente los nuesos llectores por cortesía d’EP Management.
 
El cantautor uviedín Pablo Moro va ser l’encargáu d’abrir les actuaciones a les 21 hores, pa depués dar pasu a los xixoneses Dr. Explosion (22.30 hores) col so espectáculu siempre frescu y divertíu. Pa pesllar esta gran ‘Nueche del rock asturianu’ van xubir al escenariu de la Llaboral de Xixón los avilesinos Dixebra (00 hores), que van facer blincar y baillar al públicu presente como ye vezu col so rock fechu n’asturianu.
 
Asturies.com, gracies a la cortesía d’EP Management, va sortear ente los nuesos llectores 15 entraes pa que puedan acudir a presenciar estes actuaciones de baldre. Los interesaos han de contautar con nós poniendo los sos datos y DNI nel correú electrónicu redaccion@asturies.com enantes de les 23.59 hores del 21 d’agostu, domingu. El día 23 vamos dar a conocer a los ganadores, que van poder recoyer la so entrada nes oficines d’Asturies.com en Xixón a lo llargo d’esa selmana nun horariu qu’avanzaremos más alantre.