Asturies.com presenta una galería de semeyes del XXXV Día de les Lletres

La Xunta pola Defensa de la Llingua Asturiana entamó una manifestación con salida na Estación del Norte d'Uviéu y final nel Teatru Campoamor, onde l’Academia de la Llingua Asturiana (ALLA) celebró’l so actu académicu. Carmen Muñiz Cachón, profesora universitaria del departamentu de Filoloxía Española y direutora del proyectu Amper-Astur, qu'investiga la entonación n'Asturies, y Cristina Valdés Rodríguez, Doctora en Filoloxía Inglesa y decana de la Facultá de Filosofía y Lletres de la Universidá d’Uviéu, foron nomaes académiques de númberu pola institución.